الأنفلونزا مبهدلة الدنيا !
الأنفلونزا مبهدلة الدنيا !
للأسف بقالنا أسبوعين ما بنشوفش يوم عدل في
العيادة .
العيال حرارتها ٤٠ ما بتنزلش بالمخفضات .
الحرارة ممكن تستمر ٥ أيام كاملين و تتحسن
يومين و ممكن بعد ما تتحسن تعلي يومان تانى و بعد كده تروح (عدا لو حصل مضاعفات لا
قدر الله ) .
الكحة رهيبة مفيش دوا بيوقفها و ممكن تطول
أسبوعان تلاتة بعد ما الحرارة تقف .
الـلى بيعرف يعبر من الأطفال دول تلاقيه
بيشتكى من وجع في جسمه و عضمه و مفاصله و الآم جامدة في الزور و صداع
للأسف العدوى سريعة جداً و ممكن البيت كله
يتضرب في يومان
كلهم بلا استثناء تكشف عليهم ما تلاقيش أي
حاجه تفسر الأعراض الرهيبه دي .
تحاليلهم كلها بتؤكد أنها عدوى فيروسية، مع
كل الأعراض دي التشخيص غالبا أنفلونزا.
كالعادة بس الناس بتنسى أن كل سنة فى الوقت
ده حالات الإنفلونزا بتزيد ( بما أنه الموسم)
و الأنفلونزا زى أى فيروس المفروض في أغلب
الأحوال بيخف لوحده بعد ما ياخد الدورة بتاعته.
و في بعض الحالات بيحصل مضاعفات و أشهرها
:-
ان عدوي بكتيريه انتهازيه تستغل انشغال
الجهاز المناعى بمحاربة دور الإنفلونزا و تهاجم الجسم مسببة حاجة من الآتي:
- التهاب الأذن الوسطى .
- التهاب الجيوب الأنفية .
- الالتهاب الرئوى
= طب احنا المفروض نعمل ايه عشان نحمي
نفسنا و أطفالنا من الأنفلونزا و مضاعفاتها :
1- نقوي الجهاز المناعي ( تغذية سليمة، نوم
متوازن، رياضة )
2- ناخد تطعيم الإنفلونزا أول ما ينزل كل
سنة (بغض النظر عن آراء الناس المتضاربة في الموضوع ده مع احترامي لكل الآراء
العلم خلص الموضوع ده - اي بني آدم علي وجه الأرض من سن ٦ شهور لازم ياخد التطعيم،
خصوصا بعد ما سلالة الـH1N1 بقت موجودة في التطعيم) .
3- العيان يقعد في البيت يا أخوانااااا
بلاش حضانة! بلاش مدرسة! بلاش شغل!
4- لو الطفل أقل من عمر سنتين، لما يتعب
بلاش نحط التاتش بتاعنا خديه للدكتور، ولو أكبر من كده ممكن تحاولى معاه الأول
لمدة يومان بالكتير (سوايل و مخفضات). لو لم يتحسن ما تستنيش روحى للدكتور.
5- طب روحنا للدكتور و قال غالباً أنفلونزا
و كتب علاج تحفظي ٣ أيام و الطفل ما اتحسنش لازم ترجعى للدكتور تاني ممكن يكون أى
حاجه من المضاعفات اللى أنا قلتها حصلت لا قدر الله « الدكتور مش ساحر ممكن يكتب
علاج مبدأى و الأمور تتطور »
(ده طبعا مش معناه أن أحنا نرزع الواد ٣
مضادات حيوية من الأول تحسبا للمضاعفات )
ده معناه أن أدوار الأنفلونزا اليومين دول
ممكن تحتاج أن الدكتور يبص على الحالة مرة و اتنين و تلاتة .
6- بعد أذنكم ممكن الدكتور يطلب تحاليل دم
و أشعة علي الصدر (صدقني مش غاوي يعذبك و أكيد هو مش مشارك في المعمل ولا بياخد
عمولة من بتوع الأشعة )
هو بس محتاج يشخص أحسن عشان يوصف علاج
مناسب لمصلحة ابنك أو بنتك.
دكتور علاء جمال
أبو السعود
أخصائي أطفال وحديثي الولادة
العنوان : السوق بجوار السنترال أمام الوحدة الصحية رقم 1 – المنيا
المواعيد : يومياً من 4 إلي 11 مساءاً عدا الجمعة
للحجز والاستفسار : 01225185797 - 01032605218
.