فوائد الرضاعة الطبيعية والفطام
فوائد
الرضاعة الطبيعية والفطام :
وفقاً للعديد من
الدراسات توصي الكلية الأمريكية لأمراض النساء و الولادة بالرضاعة الطبيعية لمدة لا
تقل عن ٦ أشهر الأولى من الحياة.
الرضاعة الطبيعية
تساعد الأم علي فقد الوزن بطريقة سريعة بعد الولادة. السيدات اللاتي يرضعن لفترة أطول
من ٦ أشهر و يتبعن نظام غذائي متوازن ، يصبح وزنهن أقل من السيدات اللاتي لا يرضعن.
أثناء الرضاعة الطبيعية
يتم إفراز هرمون الأوكسيتوسين الذي يسبب تقلصات الرحم و يساعد علي عودة الرحم و البطن
إلى حجمهم الطبيعي بسرعة أكبر.
السيدات اللاتي يرضعن
طبيعي لديهم معدلات أقل للاصابة بسرطان الثدي و سرطان المبيض من السيدات اللاتي لا
يرضعن. و قد تبين أيضاً ان الرضاعة الطبيعية تحد من خطر الإصابة بأمراض القلب و التهاب
المفاصل الروماتويدي.
الرضاعة الطبيعية
توفر الوقت و المال بالمقارنة بتكاليف اللبن الصناعي.
الاختيار بين الرضاعة
الطبيعية او استخدام اللبن الصناعي قد يؤثر على صحة الطفل الرضيع بطرق عديدة تمتد إلى
مراحل الطفولة
الفطام ...
أمهات كتير محتارة
عن بداية ميعاد إدخال الأكل ؟
وايه الأكل اللي
هندخله للرضيع ؟
وهنبتدي بإيه وازاي
؟
وايه اللي مسموح
وإيه اللي ممنوع
أولا
نبدأ امتى ....بسيطة
-1طفل بيرضع طبيعي ووزنه بيزيد حلو يبقى نبتدي عند
عمر 6 شهور يعني عند عمر 180 يوم ( وآخر كلام ممكن عند 4 شهور )
2-طفل تاني بيرضع صناعي ووزنه بيزيد حلو نبتدي
عند عمر من 4 شهور إلى 6 شهور براحتنا يعني
وبالمرة هنبتدي شرب
المية مع الأكل "ممكن قبل كده في حالات الجو الحار الشديد
وفيه
٣ علامات تخليكي تعرفي إن ابنك مستعد:
1
- بيقعد كويس بسندة
أو من غير
2
- بيعرف يصلب راسه
كويس
3
- بيمد بقه لقدام لما
بيشوف الأكل جايله
لازم نعرف إن إدخال
الطعام
(process
of trial and error)
يعني نجرب ونغلط
ونتعلم ونظبط تاني... كل طفل ليه نظامه المختلف عن غيره ...
ثانيا هنبتدي بإيه
:اختاري أي نوع من اللي هكتبهم بس بشرطين
1يكون مضروب في الخلاط أو نسبته كسائل عالية
ومع الوقت بنتقل القوام يعني ( ضرب بالخلاط ثم هرس بالشوكة كويس ثم هرس خفيف ثم قطع
صغيرة ثم قطع كبيرة
2
ندخل نوع واحد جديد
كل 3 أو 4 أيام ونثبته في الأكل ونزود بعده نوع جديد بنفس النظام.. ( نلاحظ في الفترة
أي أعراض للحساسية زي طفح جلدي أو إسهال أو ترجيع
ثالثا
طب الأنواع إيه؟
خضروات (كوسة جزر بروكلى قرنبيط أو سبانخ)
فواكه (موز تفاح
برتقال كمثرى خوخ أو جوافه و كل أنواع الفاكهة متاحة بشرط من غير سلق لأن الحرارة بتبوظ
الفيتامينات اللي فيها) ممكن نسلق لو عايزين نعود الطفل على الأكل لوحده يعني نديه
حتة تفاحة مسلوقة في إيده ونسيبه يعيش حياته معاها
نشويات (بطاطس- رز-
مكرونة- بطاطس-بطاطا)
الحبوب أو السيريلاك
( الرز أو القمح أو الشعير أو الشوفان ) بس يكون
فيه حديد
ممكن زبادي كمان
بروتين ( بيض - فراخ
- كبدة - لحمة - سمك )
وبيفضل دخول البروتين
من عمر 7-8 شهور و يكون قوامه مناسب للطفل في المرحلة اللي بيدخل فيها...
الأكل ده كله اسلقيه
سلق جيد جدا (ماعدا الفاكهة) مع عصرة ليمون خفيفة
رابعا
النظام
الشهر السادس
شهر التجارب والمحاولات
من 7-10 شهور (3
وجبات و 4-6 رضعات )
من 10- 12 شهر
(3 وجبات أكتر كماً و 3-5 رضعات )
فوق 12 شهر (٣ وجبات
محترمة و٣ سناكس فى النص و3-4 رضعات يوميا )
خامسا الممنوعات
الممنوع قبل 4 شهور
الأكل (لو رفض الأكل أو كان صعب بلعه في عمر 4 شهور ممكن نأجل شهر وشهرين)
الممنوع قبل سنة
الملح والسكر والعسل واللبن البقري أو الجاموسي والعصاير المعلبة إلا لو فريش ومعمولة
في البيت
.
دكتور أحمد فودة
استشارى اطفال
العنوان : 4 مكرر
امتداد عباس العقاد – بجوار مكتب مصر للطيران أمام وندرلاند والحديقة الدولية
المواعيد : السبت
والأثنين والأربعاء من 7 إلى 10 مساءاً بالحجز المسبق
للحجز
والاستفسار : 01110482121
.